Ekvadorda dahshatli zilzila yuz berdi. Qurbonlar bor
Olam
−
19 mart 2023 14701
Kecha, 18 mart kuni Ekvadorda 6,7 magnitudali zilzila qayd etildi. Bu haqda Yevropa-O‘rtayer dengizi seysmologiya markazi xabar berdi.
Tabiiy ofat epimarkazi 32 ming kishi istiqomat qiladigan Naranxal shahridan 17 km janubi-g‘arbda bo‘lgan. Zilzila o‘chog‘i 85 km chuqurlikda joylashgan.
Qayd etilishicha, yer silkinishi oqibatida hozirgacha 13 kishi halok bo‘lgan. Kamida 126 nafar shaxs jarohatlangan.
Rasmiy ma’lumotlarga ko‘ra, 50 ga yaqin turar-joy binosi shikastlangan, 7 tasi butunlay vayron bo‘lgan. Shuningdek, 17 ta ta’lim muassasasi, 31 ta tibbiyot punkti binolari zarar ko‘rgan.
Ushbu zilzila mamlakatning 24 viloyatidan 13 tasida sezilgan.
