Эквадорда даҳшатли зилзила юз берди. Қурбонлар бор
Олам
−
19 Март 2023 14700
Кеча, 18 март куни Эквадорда 6,7 магнитудали зилзила қайд этилди. Бу ҳақда Европа-Ўртаер денгизи сейсмология маркази хабар берди.
Табиий офат эпимаркази 32 минг киши истиқомат қиладиган Наранхаль шаҳридан 17 км жануби-ғарбда бўлган. Зилзила ўчоғи 85 км чуқурликда жойлашган.
Қайд этилишича, ер силкиниши оқибатида ҳозиргача 13 киши ҳалок бўлган. Камида 126 нафар шахс жароҳатланган.
Расмий маълумотларга кўра, 50 га яқин турар-жой биноси шикастланган, 7 таси бутунлай вайрон бўлган. Шунингдек, 17 та таълим муассасаси, 31 та тиббиёт пункти бинолари зарар кўрган.
Ушбу зилзила мамлакатнинг 24 вилоятидан 13 тасида сезилган.
