Dunyoda ilk bor bir vaqtning o‘zida ikki transplantatsiya amalga oshirildi

Yaponiyalik mutaxassislar dunyoda birinchi marta tirik donorlardan ikkala o‘pka va jigar qismlarini bir vaqtda transplantatsiya qilishdi. Bu haqda TASS xabar bermoqda.

Ma’lum bo‘lishicha, bemor 10 yoshli bolada tug‘ma diskeratoz - murakkab irsiy kasallik bo‘lib, uning belgilari suyak iligi yetishmovchiligi va xavfli kasalliklarning rivojlanish tendensiyasidir. O‘pkaning o‘ng va chap qismini bergan donorlar bolaning ota-onasi bo‘lgan. Shuningdek, jigarning bir qismi bolaning bobosidan o‘tkazilgan.

Operatsiya o‘tgan yilning noyabr oyida bo‘lib o‘tgani aytilmoqda. U 18 soat davom etgan va muvaffaqiyatli deb topilgan. Unda 30 dan ortiq turli tibbiyot mutaxassislari ishtirok etgan.

“Shundan so‘ng bola uzoq reabilitatsiya kursidan o‘tdi. U shu yilning mart oyi boshida shifoxonadan chiqarilgan. Uning qarindoshlari ham allaqachon o‘zlarini normal his qilmoqdalar va shifokorlarning nazoratiga muhtoj emas”, deyiladi xabarda.

Sarvar Xurramov