Dunyo madridchilar bilan to‘la – Peres “Real” haqida

Kecha, 16 yanvar kuni Madridning “Real” klubi Ispaniya Superkubogi finalida “Atletik Bilbao”ni mag‘lub etdi.

O‘yindan so‘ng, “Real” prezidenti Florentino Peres o‘z fikrlarini bildirdi.

“Ushbu nom ko‘p narsani anglatadi. So‘nggi paytlarda ko‘p o‘zgarishlar qildik va bizni juda yaxshi biladigan murabbiy, yangilagan va yaxshi natija bergan himoya bilan yangi davrni yaratmoqdamiz. Marselo ajoyib futbolchi va “Real Madrid” afsonasidir. U dunyoning istalgan nuqtasida tan olingan. Modrich va Kurtua o‘z pozitsiyalarida dunyoning eng yaxshi ikki futbolchisi. Butun dunyo madridistlar bilan to‘la. Shubhasiz, “Madrid” dunyodagi eng ko‘p muxlisga ega klubdir”, deydi Peres.

Bu g‘alaba “Qirollik klubi” uchun turnirdagi 12-g‘alaba bo‘ldi. Ushbu natija bo‘yicha “Barselona” yetakchi hisoblanadi. “Ko‘k-anorranglilar” 13 marta ushbu musobaqa g‘olibi bo‘lgan. “Atletik” uch marta Superkubokni qo‘lga kiritgan. Yarim finalda basklarga mag‘lub bo‘lgan “Atletiko Madrid” hisobida ikkita g‘alaba bor.

Eslatib o‘tamiz,“Atletik” – “Real” uchrashuvi 2:0 hisobida “qaymoqranglilar” foydasiga hal bo‘ldi. “Qirollik klubi” safida yarim himoyachi Luka Modrich va hujumchi Karim Benzema gol urdi.