DBQ tashqi iqtisodiy faoliyat ishtirokchilarini ogohlantirdi

O‘zbekiston Respublikasi Davlat bojxona qo‘mitasi tashqi iqtisodiy faoliyat ishtirokchilariga, xususan, Turkmaniston bilan oldi-sotdi qiluvchilarga eslatma bilan chiqdi.

2019 yil 1 sentyabrdan boshlab, Turkmaniston Respublikasida ushbu mamlakat hududidan tranzit tarzida o‘tuvchi tovarlarning bojxona rasmiylashtiruvi jarayonlari bo‘yicha yangi tartiblar joriy qilinmoqda.

2019 yilning 1 sentyabridan boshlab, ushbu mamlakat hududidan tranzit tarzida o‘tuvchi tovarlar haqida quyidagi ma’lumotlar taqdim etilmaganda, Turkmaniston bojxona xizmati tomonidan tovarlar tranziti uchun rusxatnomalar berilmaydi.

•    yuklarni yuboruvchi va qabul qiluvchining nomi va joylashgan manzili;
•    tovarlarni yuboruvchi va qabul qiluvchi mamlakat nomi;
•    tovarlarni tashuvchining yoki ekspeditorning (ruxsatnomani ekspeditor olganda) nomi va joylashgan manzili;
•    transport vositasi va uning haydovchisi;
•    tovarlarning shakli, nomlanishi, miqdori va qiymati;
•    tovarlarning vazni va hajmi;
•    tovarlarni kodlash va nomlashning uyg‘unlashtirilgan tizimi bo‘yicha tasniflangan kodi (TIF TN);
•    yuk o‘rinlarining umumiy soni;
•    tovarlar yo‘llangan manzil;
•    yo‘ldagi yuk operatsiyalari (tushirish, ortish, qayta yuklash va hk..);
•    tovarlarni tashish muddati va harakatlanish yo‘nalishi.