Davlat aktivlarini boshqarish agentligiga yangi direktor tayinlandi
Jamiyat
−
12 aprel 2019 7459
O‘zbekiston Respublikasi Prezidenti qarori bilan Davlat aktivlarini boshqarish agentligi direktori tayinlandi.
Qayd etilishicha, Prezident Shavkat Mirziyoyevning 11 aprelda imzolagan qaroriga muvofiq, Ahadbek Yahyobekovich Haydarov O‘zbekiston Respublikasi Davlat aktivlarini boshqarish agentligi direktori lavozimini egallagan. Shu munosabat bilan u O‘zbekiston Respublikasi moliya vazirining birinchi o‘rinbosari lavozimidan ozod etildi.
Ma’lumot uchun, Ahadbek Haydarov bungacha moliya vazirining o‘rinbosari sifatida ham ishlab, ijtimoiy soha, ilm-fan, boshqaruv organlarini moliyalashtirish masalalarini va Byudjetdan tashqari Pensiya jamg‘armasi faoliyatini nazorat qilgan. Ushbu lavozimga tayinlanguniga qadar u “Mikrokreditbank” ATB boshqaruv raisi bo‘lib ishlagan edi.
