Devid Koen AQSH Markaziy razvedka boshqarmasi boshlig‘i bo‘lishi mumkin. U kim?

AQSH prezidentligiga nomzod, demokrat Jozef Bayden ilgari Rossiyaga qarshi sanksiyalar ustida ishlagan va Moskvaning saylovlarga “aralashuvi” ni tekshirgan Devid Koenni Markaziy razvedka boshqarmasi (MRB) rahbari etib tayinlamoqchi. Bu haqda “The New York Times” yozmoqda. 

Aniqlik kiritilishicha, Bayden hali yakuniy qarorga kelmagan, bu boshqa lavozimlarning taqsimlanishiga, xususan, Adliya vazirligi boshlig‘i va Pentagon rahbariga bog‘liq. Biroq, nashrning yozishicha, Baydenning asosiy maslahatchilari ushbu lavozimni Koenga berish lozimligini bildirishgan. Bundan tashqari, Milliy razvedka rahbari lavozimiga nomzod Evril Xeyns o‘z nomzodini ma’qulladi.

Maykl Morrell Markaziy razvedka boshqarmasi direktori lavozimiga ikkinchi nomzod bo‘lib qolmoqda. Gazetaning yozishicha, Morrel Barak Obamaning davrida departament rahbarining o‘rinbosari bo‘lib ishlagan. Biroq ba’zi qonunchilar uning nomzodiga qarshi, chunki ilgari u qiynoqlarni o‘z ichiga olgan dasturlarni qo‘llab-quvvatlagan.

“The New York Times” nashri xabariga ko‘ra, Koen 2015-2017 yillarda Markaziy razvedka boshqarmasi, Federal qidiruv byurosi (FQB) va AQSH Ichki xavfsizlik vazirligi tomonidan Tramp g‘olib chiqqan 2016 yilgi prezidentlik saylovlariga aralashish bo‘yicha qo‘shma tekshiruvda qatnashgan. Bundan tashqari, u Moliya vazirligida ishlayotganda Rossiya va Eronga qarshi sanksiyalar bilan bog‘liq masalalarni boshqargan.