COVID-19: Hindistonda o‘lim holati bo‘yicha antirekord yana yangilandi
Olam
−
18 may 2021
8396Hindistonda koronavirusdan kunlik o‘lim holati bo‘yicha antirekord yangilandi. Bu haqda mamlakat Sog‘liqni saqlash vazirligiga tayanib xabar berilgan.
Vazirlik ma’lumotlariga ko‘ra, o‘tgan kun davomida Hindistonda COVID-19 va ushbu virus bilan bog‘liq kasalliklardan 4 329 kishi vafot etgan. Hindistonda koronavirus aniqlangan odamlar soni 25 milliondan oshgan.
Shu bilan birga, mamlakatda ketma-ket ikkinchi kun koronavirus infeksiyasining 300 mingdan kam holati qayd etilgan. O‘tgan kun davomida Hindistonda 263,5 mingta yangi holat aniqlangan.
Hindiston dunyoda COVID-19 bilan kasallanganlar soni bo‘yicha ikkinchi o‘rinda qolmoqda.
Hindiston Sog‘liqni saqlash vazirligining so‘nggi ma’lumotlariga ko‘ra, mamlakatda COVID-19 bilan kasallanganlarning umumiy soni 25,2 milliondan oshgan, 21,5 milliondan ortiq bemor sog‘aygan va 278 mingdan ortiq odam vafot etgan.
LiveBarchasi
07 noyabr 2023
07 noyabr 2023
07 noyabr 2023