COVID-19: Ҳиндистонда ўлим ҳолати бўйича антирекорд яна янгиланди
Олам
−
18 Май 2021 8727
Ҳиндистонда коронавирусдан кунлик ўлим ҳолати бўйича антирекорд янгиланди. Бу ҳақда мамлакат Соғлиқни сақлаш вазирлигига таяниб хабар берилган.
Вазирлик маълумотларига кўра, ўтган кун давомида Ҳиндистонда COVID-19 ва ушбу вирус билан боғлиқ касалликлардан 4 329 киши вафот этган. Ҳиндистонда коронавирус аниқланган одамлар сони 25 миллиондан ошган.
Шу билан бирга, мамлакатда кетма-кет иккинчи кун коронавирус инфекциясининг 300 мингдан кам ҳолати қайд этилган. Ўтган кун давомида Ҳиндистонда 263,5 мингта янги ҳолат аниқланган.
Ҳиндистон дунёда COVID-19 билан касалланганлар сони бўйича иккинчи ўринда қолмоқда.
Ҳиндистон Соғлиқни сақлаш вазирлигининг сўнгги маълумотларига кўра, мамлакатда COVID-19 билан касалланганларнинг умумий сони 25,2 миллиондан ошган, 21,5 миллиондан ортиқ бемор соғайган ва 278 мингдан ортиқ одам вафот этган.
Live
Барчаси
