“Choy puli”: Obameyang “Barselona”da qancha maosh oladi?
Sport
−
01 fevral 2022 4832
“Arsenal” klubi sobiq sardori Per-Emerik Obameyang ijara asosida “Barselona”ga o‘tdi.
“Mundo Deportivo” xabariga ko‘ra, 32 yoshli gabonlik hujumchi “ko‘k-anorranglilar” safida haftasiga 5000 yevro oladi. Manbaga ko‘ra, Oba faqatgina joriy mavsum oxirigacha shunday maoshga ega bo‘ladi. Kelasi yildan boshlab hujumchining maoshi ko‘tariladi.
Avvalroq, Obameyangning “Arsenal” bilan maosh masalasidagi kelishmovchiliklari tufayli transfer barbod bo‘lishga yaqin edi. Biroq klublar bu muammoni hal qilishga muvaffaq bo‘lishdi va uning katta qismini Kataloniya klubi qoplaydigan bo‘ldi.
Qayd etilishicha, futbolchi barcha kerakli tibbiy ko‘riklardan o‘tgan va uning erkin agentga aylanishi transfer oynasining so‘nggi kunida ro‘yxatdan o‘tkazishga hojat yo‘q. Katta ehtimol bilan, rasmiy ma’lumot bugun, 1 fevral kuni e’lon qilinadi.
Live
Barchasi
