“Chiroqdagi jin uyg‘onyapti”. Mask “fol ochdi”

Sun’iy intellekt(SI) oxir-oqibat hammani ishdan bo‘shatishi mumkin. Bu haqda Tesla xo‘jayini Ilon Mask Buyuk Britaniya bosh vaziri Rishi Sunak bilan uchrashuvida gapirdi.

Maskning so‘zlariga ko‘ra, yaqin kelajakda "eng aqlli odamdan ham aqlliroq" mavjudot paydo bo‘ladi, "ishlashga hojat qolmaydigan zamonlar keladi". Uning fikricha, insonlar faqat "ko‘ngilxushlik" uchun biror ish bilan shug‘ullanishi mumkin.

Suhbat davomida milliarder sun’iy intellekt kelajakda intellektual muammolarning aksariyat qismini odamlardan ko‘ra yaxshiroq yecha olishi va jamiyat hayotini tubdan o‘zgartirishini ta’kidlagan.

“Agar siz sehrgar jinni xohlasangiz, bu aynan o‘sha. Faqat unda aytishingiz mumkin bo‘lgan tilaklarga cheklov yo‘q. Bu bir tomondan yaxshi bo‘lsa, boshqa tarafdan yomon. Kelajakda yashashdan ma’no qolmasligi eng katta muammoga aylanishi mumkin”, degan Mask.

Britaniya Bosh vaziri esa uning fikriga qo‘shilmagan.