“Чироқдаги жин уйғоняпти”. Маск “фол очди”
Бу қизиқ
−
03 Ноябрь 2023 14074
Сунъий интеллект(СИ) охир-оқибат ҳаммани ишдан бўшатиши мумкин. Бу ҳақда Tesla хўжайини Илон Маск Буюк Британия бош вазири Риши Сунак билан учрашувида гапирди.
Маскнинг сўзларига кўра, яқин келажакда "энг ақлли одамдан ҳам ақллироқ" мавжудот пайдо бўлади, "ишлашга ҳожат қолмайдиган замонлар келади". Унинг фикрича, инсонлар фақат "кўнгилхушлик" учун бирор иш билан шуғулланиши мумкин.
Суҳбат давомида миллиардер сунъий интеллект келажакда интеллектуал муаммоларнинг аксарият қисмини одамлардан кўра яхшироқ еча олиши ва жамият ҳаётини тубдан ўзгартиришини таъкидлаган.
“Агар сиз сеҳргар жинни хоҳласангиз, бу айнан ўша. Фақат унда айтишингиз мумкин бўлган тилакларга чеклов йўқ. Бу бир томондан яхши бўлса, бошқа тарафдан ёмон. Келажакда яшашдан маъно қолмаслиги энг катта муаммога айланиши мумкин”, деган Маск.
Британия Бош вазири эса унинг фикрига қўшилмаган.
Live
Барчаси
