“Chelsi” 21 yoshli futbolchi bilan uzoq muddatli shartnoma imzoladi

“Manchester Siti”ning angliyalik yarim himoyachisi Koul Palmer “Chelsi” bilan shartnoma imzoladi. Bu haqda London klubi matbuot xizmati xabar berdi. 

Ma’lum qilinishicha, 21 yoshli futbolchi “Chelsi” klubi bilan 2030 yilga qadar mo‘ljallangan 7 yillik shartnoma imzolagan. Shuningdek, bitim talablarida uni yana bir yilga uzaytirish imkoniyati mavjud.

“U eng qiyin vaziyatlarda o‘z iste’dodi va salohiyatini namoyish etdi va shu yozda Yevropa yoshlar chempionatida Angliya terma jamoasi vakiliga aylandi. U, shubhasiz, keyingi bosqichga tayyor va biz uni “Chelsi”ga o‘tganidan xursandmiz”, deydi “Palmer sport” direktorlari Lorens Styuart va Pol Uinstenli.

Taniqli futbol jurnalisti Fabritsio Romanoga ko‘ra, Koul Palmerning “Chelsi”ga o‘tish narxi 46 million yevroni tashkil qiladi.

Ma’lumot uchun, 21 yoshli Palmer “Manchester Siti” tarbiyalanuvchisi hisoblanadi. Yakunlangan mavsumda u “shaharliklar” uchun 3 ta o‘yinda maydonga tushdi va 2 ta golga mualliflik qildi. Yangi 2023/2024 yilgi mavsumdagi rasmiy o‘yinlarning faqat bittasida ishtirok etdi va sobiq klubi sharafini atigi 10 daqiqa himoya qildi.