Cheklanmagan muddatga litsenziya oladigan yuridik shaxslar soni bittaga ortdi

Moddiy madaniy merosning ko‘chmas mulk ob’ektlarini asrashga doir faoliyat litsenziyalanadi. Bu haqda O‘zbekiston Respublikasi Vazirlar Mahkamasining “Moddiy madaniy merosning ko‘chmas mulk ob’ektlarini asrashga doir faoliyatni litsenziyalash to‘g‘risidagi nizomni tasdiqlash  to‘g‘risida”gi qarorida keltirib o‘tilgan. 

Hujjatga muvofiq, moddiy madaniy merosning ko‘chmas mulk ob’ektlarini asrashga doir faoliyat litsenziyalanadi.

Litsenziya litsenziya da’vogarining so‘rovnomasiga ko‘ra 1-toifali va 2-toifalar bo‘yicha beriladi. 

Ya’ni ob’ektning Respublika va mahalliy ahamiyatga ega ekanligi O‘zbekiston Respublikasi Madaniyat vazirligining buyrug‘i bilan belgilanadi. 

Litsenziya amal qilish muddati cheklanmagan muddatga beriladi. 

Litsenziya berish to‘g‘risidagi so‘rovnoma bilan murojaat qilgan yuridik shaxsga litsenziya ob’ektlarning tegishli toifasida asrashga doir faoliyatni amalga oshirish uchun beriladi. 

Ma’lumot uchun, mazkur qaror 20 dekabr sanasidan rasman kuchga kirgan.