Buyuk Britaniya Ukrainaga yana 200 ta tankka qarshi raketa beradi
Olam
−
22 fevral 4161
Buyuk Britaniya Ukrainaga 200 ta tankka qarshi raketalarini yetkazib bermoqchi. Bu haqda Buyuk Britaniya Mudofaa boshqaruvi rahbari Grant Shapps Britaniya parlamenti jamoatlar palatasidagi chiqishida ma’lum qildi.
Mudofaa vazirining aytishicha, Buyuk Britaniya “jasur ukrainaliklar g‘alaba qozonmaguncha, ularni qo‘llab-quvvatlashdan to‘xtamaydi”. Shuningdek, Shapps yaqin orada Kiyevga dronlar, elektron uskunalar, minalarga qarshi vositalar yetkazib berilishini qo‘shimcha qilgan.
Bundan tashqari, Shapps Vashingtonni Qo‘shma Shtatlar Ukrainani bugun qo‘llab-quvvatlamasa, ertaga dunyo tartibini himoya qilish "juda qimmat"ga tushishidan ogohlantirgan.
Eslatib o‘tamiz, oldinroq Zelenskiy agar AQSH yordam bermasa, Ukrainaning "B" rejasi yo‘qligini tan olgandi.
Live
Barchasi
