Butunjahon shaxmat olimpiadasi uchun O‘zbekiston tarkibi e’lon qilindi

Joriy yilda bo‘lib o‘tishi rejalashtirilgan 46-Butunjahon shaxmat olimpiadasida ishtirok etuvchi O‘zbekiston erkaklar terma jamoalari tarkibi e’lon qilindi. Bu haqda O‘zbekiston shaxmat federatsiyasi xabar berdi.

Ma’lum bo‘lishicha, joriy yilning 15-27 sentyabr kunlari Samarqand shahrida bo‘lib o‘tishi rejalashtirilgan 46-Butunjahon shaxmat Olimpiadasi uchun O‘zbekiston terma jamoasi quyidagi tarkib bilan ishtirok etadi:

1-terma jamoa: 

• Nodirbek Abdusattorov; 
• Javohir Sindorov; 
• Nodirbek Yoqubboyev; 
• Shamsiddin Vohidov; 
• Muxiddin Madaminov. 

2-terma jamoa: 

• Abdumalik Abdisalimov;
• Jahongir Vohidov;
• Muhammadzohid Suyarov;
• Humoyun Begmurotov; 
• Ortiq Nigmatov.

3-terma jamoa:

• Saidakbar Saydaliyev; 
• Bahrom Bahrullayev; 
• Almas Rahmatullayev; 
• Muhammadali Abdurahmonov; 
• Asrorjon Omonov. 

Ma’lumot uchun, 2022 yilning 31 iyul 9 avgust kunlari Hindistonning Chinnay shahrida bo‘lib o‘tgan Xalqaro shaxmat federatsiyasi kongressida 46-Butunjahon shaxmat olimpiadasi hamda FIDE’ning navbatdagi kongressini 2026 yil O‘zbekistonda o‘tkazish to‘g‘risida qaror qabul qilingandi. Samarqandda bo‘lib o‘tadigan Butunjahon shaxmat olimpiadasi O‘zbekiston tarixida ilk marotaba o‘tkaziladigan shaxmat olimpiadasi hisoblanadi.