Buxoroda ikki qo‘shnining uyi yonib ketdi

Kecha, 21 noyabr kuni Buxoro shahrida ikki qo‘shninig uyi yonib ketdi. Bu haqda FVV Yong‘in xavfsizligi boshqarmasi Matbuot xizmati xabar berdi.

21 noyabr soat 00:33 da Buxoro shahri At-Termiziy ko‘chasida joylashgan 13 va 15-uylarda yong‘in bo‘layotgani haqida yong‘in-qutqaruv xizmatiga xabar kelib tushgan.

Voqea joyiga 3 ta yong‘in o‘chirish bo‘linmalari jalb etilgan. Bo‘linmalar chaqirilgan manzilga yetib borgan vaqtida uylarning asosiy tom qurilish konstruksiyalari ochiq alanga bilan yonayotganligi ma’lum bo‘lgan. Ko‘rilgan tezkor harakatlar natijasida yong‘in soat 00:48 da o‘rab olingan va 02:00da to‘liq bartaraf etilgan. Yong‘indan uylarning 280 kv metr maydoni saqlab qolingan. Yong‘in o‘chirish bo‘linmalari yong‘inni bartaraf etish vaqtida 13-uy egasi fuqaro M.T. va rafiqasi fuqaro N.T. kuyish tan jarohati olib shifoxonaga yuborilgan.

Yong‘in oqibatida 13-uyning 100 kv metr maydonda tomi, shifti va ichki jihozlari hamda 15-uyning 25 kv metr maydonda tom qismi yonib zararlangan. Yong‘inni taxminiy sababi, 13-uyda qo‘lbola gazli isitish pechidan foydalanish. Moddiy zarar miqdori aniqlanmoqda.