Buxoroda Gentra yonib ketdi
3-sahifa
−
15 iyun 2023 5997
Buxoro shahrida yo‘l chetida turgan mashina yonib ketdi. Bu haqda viloyat Favqulodda vaziyatlar boshqarmasi Matbuot xizmati xabar berdi.
Qayd etilishicha, kecha, 14 iyun kuni soat 14:09 da Buxoro shahar “Xo‘jamushkin” MFY Alpomish ko‘chasida yo‘l yoqasida turgan Gentra (Lacetti) rusumli mashinada yong‘in yuzaga kelgan. 2015 yilda ishlab chiqarilgan, kulrang tusli Gentra avtomobilida kuzatilgan yong‘inni bartaraf etish uchun voqea joyiga 2 ta yong‘in-qutqaruv ekipaji jalb etilgan.
Maxsus texnikalar yong‘inni o‘chirish uchun 14:12 da yetib borib, soat 14:16 da batamom o‘chirilgan. Yong‘in oqibatida avtomashinaning motor va old kapot qismi yongan. Hozirda yong‘inning sababi va moddiy zarari aniqlanmoqda.
Live
Barchasi
