Bugun klublar o‘rtasidagi Jahon chempionatining guruhlari aniq bo‘ladi

Bugun, 5 dekabr kuni Amerikaning Florida shtati Mayami shahrida klublar o‘rtasidagi Jahon chempionatiga qur’a tashlanadi.

Qur’a tashlash marosimi oldidan 32 ta jamoa 8 ta jamoadan iborat 4 savatga bo‘lingan.

Savatchalar:

1-savatcha: “Real Madrid”, “Manchester Siti”, “Bavariya”, PSJ, “Flamengo”, “Fluminense”, “Palmeyras”, “River Pleyt”.

2-savatcha: “Chelsi”, “Borussiya Dortmund”, “Inter”, “Yuventus”, “Portu”, “Atletiko Madrid”, “Benfika,” “Red Bull Zalsburg”.

3-savatcha: “Al Hilol”, “Ulsan Xyonde”, “Al Ahli”, “Vidad Kasablanka”, “Monterrey”, “Leon”, “Boka Xuniors”, “Botafogo”.

Qayd etish joiz, 1 ta savatchadan o‘rin olgan jamoalari guruhda to‘qnash kelmaydi. Shuningdek, Yevropa zonasidan (UEFA) tashqari bitta konfederatsiyadan bir nechta jamoani bitta guruhga kiritish mumkin emas. 8 ta guruhdan 4 tasida 2 ta Yevropa jamoasi to‘qnash keladi. Bitta assotsiatsiya mamlakati klublarini ham bitta guruhga kiritish mumkin emas.

Ma’lumot uchun, klublar o‘rtasidagi Jahon chempionati yozda, 15 iyundan 13 iyulga qadar bo‘lib o‘tadi. Jamoalar 4 tadan 8 ta guruhga bo‘linadi. Qur’a tashlash marosimi Toshkent vaqti bilan soat 23:00 da boshlanadi.