Bugun qit’alararo kubok finali bo‘lib o‘tadi
Sport
−
18 dekabr 7875
Bugun, 18 dekabr kuni Qatar poytaxti Doha shahrida klublar o‘rtasidagi Jahon chempionatining final o‘yini bo‘lib o‘tadi.
Hal qiluvchi bahsda Madridning “Real” klubi Meksikaning “Pachuka” jamoasiga qarshi maydonga tushadi.
Qirollik klubi safida Alaba, Karvaxal, Militao va Mendi jarohati sabab maydonga tushmaydi. Mbappe “Atalanta” bilan o‘yinda jarohat olgandi va uning bugun maydonga tushishi so‘roq ostida, biroq fransiyalik futbolchi uchrashuv qaydnomasidan o‘rin olgan.
“Pachuka” esa bugungi o‘yinga o‘zining optimal formasida yetib kelgan. Finalgacha bo‘lgan davrda Meksika jamoasi “Batofogo” va “Al-Ahli” jamoalarini mag‘lub etdi.
Ma’lumot uchun, “Real”-“Pachuka” o‘yini Toshkent vaqti bilan soat 22:00 da boshlanadi. Uchrashuvga Dohadagi “Lusail” stadioni mezbonlik qiladi.
Live
Barchasi
