Bryanskda sinfdoshini otib o‘ldirgan qizning otasi qamaldi
Olam
−
11 dekabr 2023
7554Avvalroq Rossiyaning Bryansk shahridagi 5-sonli gimnaziyada 8-sinf o‘quvchisi otishma sodir qilgani haqida xabar berilgan edi. Shundan so‘ng o‘quvchining otasi ikki oyga hibsga olindi. Bu haqda Bryansk umumiy yurisdiksiya sudlarining matbuot xizmati xabar berdi.
"Dmitriy Dmitriyevich Afanaskinga nisbatan ikki oy muddatga qamoqqa olish tarzidagi ehtiyot chorasi tanlansin", deydi sudya.
Tergov ma’lumotlariga ko‘ra, ayblanuvchi o‘z ov miltig‘ini saqlashga ehtiyotsizlik qilgan, buning oqibatida voyaga yetmagan qizi uni maktabga olib ketib, sinfdoshlariga qarata o‘q uzgan.
Shuningdek, erkak maktab o‘quvchisiga tahdid qilish, shafqatsiz munosabatda bo‘lish va uning insoniy qadr-qimmatini muntazam kamsitish yo‘li bilan o‘z joniga qasd qilishga undaganlikda ham ayblanmoqda.
Uchrashuvda Afanaskin ovchi emasligini, qurol esa xavfsizlik maqsadida uyida bo‘lganini ta’kidlagan.
Uning so‘zlariga ko‘ra, u litsenziya muddati tugaganidan keyin uni tashlab yuborishni rejalashtirgan.
Bundan tashqari, Afanaskin qiziga nisbatan zo‘ravonlikni rad etgan va uning advokati maktab o‘quvchisining kundaligida uning o‘z joniga qasd qilish qaroriga ta’sir qilishi mumkin bo‘lgan boshqa odamlar haqidagi ma’lumotlar borligini bildirgan.
Eslatib o‘tamiz, ushbu otishmadan so‘ng qizning otasidan tashqari “Excalibur” xususiy qo‘riqlash kompaniyasi rahbari Sergey Poddubnoy va qo‘riqchi Galina Chertkova qo‘lga olingandi.
LiveBarchasi