Braziliyalik futbolchi “qurbon” bo‘lishi evaziga “Real” Xolandni sotib olishi mumkin

“Manchester Siti” hujumchisi Erling Xoland keyingi mavsumda Angliya jamoasini tark etishi mumkin. Bu haqda “Defensa Central” xabar berdi.

Manbaga ko‘ra, norvegiyalik futbolchining o‘zi “Real”da o‘ynashni xohlaydi. Madrid klubi esa braziliyalik vingerlar Vinisius Junior yoki Rodrigo jamoani tark etsa, norvegiyalik hujumchini sotib olishi mumkin. 

“Qaymoqranglilar” mutasaddilari allaqachon qanotda Mbappe va oldingi chiziqda Xoland bilan hujum chizig‘ini tashkil etish borasida rejalar o‘ylab qo‘ygan.

Xoland “Siti”da 2022 yilning yozidan beri o‘ynamoqda. Bu davrda u barcha turnirlarda 102 ta uchrashuvda ishtirok etib, 97 ta gol urdi va 14 ta golli uzatmani amalga oshirdi. Joriy mavsumda 24 yoshli futbolchi Angliya Premer-ligada 3 ta o‘yin o‘tkazib, 7 ta gol urdi. “Transfermarkt” portalida berilgan ma’lumotlarga ko‘ra, futbolchining bozor qiymati 180 million yevroni tashkil qiladi.