Bokschi Lazizbek Mullajonov “Kelajak bunyodkori” bo‘ldi

O‘zbekistonlik bokschi, shu yili Toshkentga o‘tkazilgan Jahon chempionati sovrindori Lazizbek Mullajonov Prezident farmoniga asosan xalqaro maydonda erishgan natijalari uchun “Kelajak bunyodkori” medali bilan taqdirlandi.

Mukofotni sportchiga O‘zbekiston Respublikasi Prezidenti Administratsiyasi departament rahbari Odil Abdurahmonov taqdim qildi. Taqdirlash marosimida Yoshlar siyosati va sport vaziri Adham Ikromov hamda Osiyo Olimpiya kengashi vitse-prezidenti Otabek Umarov ishtirok etdi.

Ma’lumot uchun, Lazizbek Mullajonov 1999 yilda Farg‘ona shahrida tug‘ilgan. Shu vaqtga qadar Osiyo chempionati va harbiylar o‘rtasida o‘tkazilgan jahon chempionatida g‘olib bo‘lgan.

Eslatib o‘tamiz, avvalroq o‘zbek sportida yilning eng yaxshilari aniqlangani xabar qilingandi. “Milliy sport mukofoti-2023" taqdirlash marosimida 2023 yilning eng yaxshi erkak va ayol sportchilari ma’lum qilindi.