Boks bo‘yicha Jahon chempionati yakunlandi. O‘zbekistonning umumiy natijasi qanday?

Bugun, 13 dekabr kuni Birlashgan Arab Amirliklarining Dubay shahrida boks bo‘yicha kattalar o‘rtasidagi IBA Jahon chempionatining final bahslari bo‘lib o‘tdi. Unda o‘zbekistonlik bokschilar 2 ta oltin va 4 ta kumush medalni qo‘lga kiritdi.

Hasanboy Do‘smatov -51 kg vaznda bo‘lib o‘tgan finalda rossiyalik Bair Batlayevni 4:1 hisobida mag‘lub etdi va ikki karra jahon chempioniga aylandi. Shuningdek, u musobaqaning “Eng yaxshi bokschisi” deb topildi. 

Umumiy hisobda o‘zbekistonlik sportchilar 9 ta medalga ega chiqdi. Xususan:

Oltin medal egalari:

• -51 kg: Hasanboy Do‘smatov;
• -67 kg: Asadxo‘ja Mo‘ydinxo‘jayev.

Kumush medal:

• -60 kg: Abdumalik Xalokov; 
• -80 kg: Javohir Ummataliyev;
• -92 kg: To‘rabek Habibullayev;
• +92 kg: Arman Maxanov.

Bronza medal:

• -54 kg Asilbek Jalilov;
• -75 kg Fazliddin Erkinboyev;
• -57 kg Xo‘janazar Nortojiyev.

Umumiy hisobda O‘zbekiston boks terma jamoasi 3-o‘rinni egalladi. Rossiya 7 ta oltin, 5 ta kumush va 1 ta bronza bilan birinchi, 3 ta oltin, 1 ta kumush va 2 ta bronza medal bilan Qozog‘iston ikkinchi bo‘ldi.