Bog‘chalarda bir guruhda eng ko‘pi nechta bola bo‘lishi kerak?
Jamiyat
−
18 dekabr 2019
7425Avvalroq, O‘zbekiston Prezidenti “Maktabgacha ta’lim va tarbiya to‘g‘risida”gi Qonunni imzolagani haqida xabar bergan edik.
Qonunga muvofiq, maktabgacha ta’lim tashkilotlarida o‘quv yili 2 sentyabrdan 31 maygacha, yozgi sog‘lomlashtirish davri 1 iyundan 31 avgustgacha bo‘lgan davrni o‘z ichiga oladi.
Maktabgacha ta’lim tashkilotlaridagi guruhlar ularda bolalarning bo‘lishi davomiyligiga qarab:
• bolalar qisqa vaqt bo‘ladigan guruhlar (kuniga 3–4 soat);
• to‘liq kunli guruhlar (kuniga 9, 10,5 va 12 soat);
• bolalar kechayu kunduz bo‘ladigan guruhlar bo‘lishi mumkin.
Maktabgacha ta’lim tashkilotlarining:
• bolalar 3–4 soat bo‘ladigan guruhlarida – kunduzgi uyqu tashkil etilmaydi va bir martalik ovqatlantirish tashkil etilishi mumkin;
• bolalar 9–10,5 soat bo‘ladigan guruhlarida – uch martalik ovqatlantirish tashkil etilishi va kunduzgi uyqu uchun sharoitlar yaratilgan bo‘lishi kerak;
• bolalar 12 soat bo‘ladigan guruhlarida – to‘rt martalik ovqatlantirish tashkil etilishi va kunduzgi uyqu uchun sharoitlar yaratilgan bo‘lishi kerak;
• bolalar kechayu kunduz bo‘ladigan guruhlarida – kunduzgi va tungi uyqu hamda besh martalik ovqatlantirish tashkil etilishi uchun sharoitlar yaratilgan bo‘lishi kerak.
Umumiy turdagi davlat maktabgacha ta’lim tashkilotlarida guruhlar tegishli ravishda quyidagi miqdorda to‘ldiriladi:
• uch yoshdan yetti yoshgacha bo‘lgan bolalar guruhlarida – ko‘pi bilan o‘ttiz nafar bola;
• bolalar qisqa vaqt bo‘ladigan guruhlarda – ko‘pi bilan o‘ttiz nafar bola;
• turli yoshdagilar guruhlarida – ko‘pi bilan yigirma besh nafar bola;
• bolalar kechayu kunduz bo‘ladigan guruhlarda – ko‘pi bilan o‘n nafar bola.
LiveBarchasi
07 noyabr 2023
07 noyabr 2023
07 noyabr 2023