Bivol-Beterbiyev jangi qachon o‘tkaziladi?
Sport
−
31 may 1798
Boks bo‘yicha jahon chempionlari Dmitriy Bivol va Artur Beterbiyev o‘rtasidagi jang oktyabr oyida Saudiya Arabistonida bo‘lib o‘tishi rejalashtirilgan. Bu haqda TASS xabar berdi.
Manbaga ko‘ra, jangning ayni bir sanada o‘tkazilishi Beterbiyevning tiklanishiga bog‘liq, ammo hozircha jang oktyabr oyida Saudiya Arabistonida o‘tkazilishi reja qilinyapti.
Bivol 1 iyun kuni Malik Zinadga qarshi jang qiladi. Aslida 1 iyun kuni Beterbiyev unga raqib bo‘lishi kerak edi, biroq Artur tizzasidan jarohat oldi va Bivolning raqibi o‘zgardi.
39 yoshli Beterbiyevning rekordi 20 ta g‘alabani (barchasi nokaut) tashkil etadi. U Butunjahon boks kengashi, Xalqaro boks federatsiyasi va Jahon boks tashkilotining chempionlik unvonlariga ega. Butunjahon boks assotsiatsiyasi talqiniga ko‘ra, jahon chempioni bo‘lgan 33 yoshli Bivol hisobida 22 g‘alaba (11 ta nokaut) bor.
