Bivol-Beterbiyev jangi g‘olibi kim bilan to‘qnash keladi?
Sport
−
15:17455
Yarim og‘ir vazn toifasida jahon chempioni unvoniga da’vogarlik jangi o‘tkaziladi. Bu haqda Butunjahon boks kengashi (WBC) matbuot xizmati xabar berdi.
1 fevral kuni amerikalik Devid Benavides (29-0) va kubalik David Morrel (11-0) WBC yo‘nalishi bo‘yicha majburiy da’vogar unvoni uchun jang o‘tkazadi.
Ushbu jang g‘olibi 22 fevral kuni Saudiya Arabistonida bo‘lib o‘tadigan ikki rossiyalik bokschi – Artur Beterbiyev va Dmitriy Bivol o‘rtasidagi chempionlik revansh jangi g‘olibiga qarshi jang qiladi.
Qayd etish joiz, oktyabr oyida Beterbiyev yarim og‘ir vazn toifasida mutlaq jahon chempioni bo‘lish uchun Bivolni mag‘lub etdi.
Eslatib o‘tamiz, Bivol-Beterbiyev jang qiladigan oqshomda o‘zbekistonlik professional bokschi, sobiq WBA kamari sohibi Isroil Madrimov ham ringga ko‘tariladi.
Live
Barchasi
