Benzin narxi yana oshdi
Jamiyat
−
16 avgust 2023 14858
“O‘zbekneftgaz” AJ ga qarashli yonilg‘i quyish shoxobchalarida AI-92 markali benzin narxi yana oshdi. QALAMPIR.UZ jamoasi bunga oydinlik kiritish maqsadida, benzin quyish shahobchalaridagi narxlarni o‘rgandi. Unga ko‘ra, AI-92 markali benzin narxi 8600 so‘mdan 9200 so‘mga qimmatlashgani aniqlandi.
Benzin narxi oshirilgani sabablarini bilish uchun “O‘zbekneftgaz” AJ matbuot xizmati bilan bog‘lanishning imkoni bo‘lmadi.
Eslatib o‘tamiz, avvalroq “O‘zbekneftgaz” “zapravka”larida 9 ming 200 so‘m narx qo‘yilgan AI-92 markali benzin aksiya asosida 7 ming 500 so‘mdan sotilgani va 2 avgustda ushbu aksiya tugaganini ma’lum qilgan edi. Aksiyadan keyin esa AI-92 markali benzin 8600 so‘mdan sotila boshlangan.
Live
Barchasi
