Belarus urushga tayyorlanmoqda – Lukashenko
Olam
−
02 aprel 15644
Belaruslik Aleksandr Lukashenko mamlakat urushga tayyorlanayotganini, biroq Minsk jang qilmoqchi emasligini ma’lum qildi. U bu haqda bugun, 2 aprel kuni Grodno shahriga qilgan tashrifi chog‘ida so‘z ochdi.
“Biz urushga tayyorlanyapmiz, men bu haqda ochiq aytaman. Agar siz tinchlikni xohlasangiz, urushga tayyorlaning – men buni o‘ylab topmadim. Bu juda to‘g‘ri aytilgan”, degan Lukashenko.
Uning so‘zlariga ko‘ra, respublikada tegishli bo‘linmalarning zaruriy tayyorgarligi o‘tkazilmoqda, qo‘shinlarga turli xildagi qurol-yarog‘ va texnikalar yetkazib berilmoqda. Shuningdek, Lukashenko hukumat va amaldorlarga sanksiyalar yuzasidan shikoyat qilishni ham taqiqlaganini bildirgan.
Eslatib o‘tamiz, 20 fevral kuni ham Lukashenko Belarus urushga tayyor bo‘lishi kerakligini aytgan edi.
Live
Barchasi
