Bektemir Meliqo‘ziyev prof ringdagi debyuti oldidan tarozidan o‘tdi (foto)

Xabaringiz bor, ertaga tongda o‘zbekistonlik bokschi Bektemir Meliqo‘ziyev professional ringda o‘z debyutini nishonlaydi. Mazkur jangda o‘zbek bokschisiga argentinalik Martin Fidel Rios raqiblik qiladi.

Olamsport nashri tarqatgan xabarga ko‘ra, Bugun 6 raundga mo‘ljallangan jang oldidan bokschilar tarozidan o‘tishdi. Unga ko‘ra, har ikki charm qo‘lqop ustasi ham belgilangan me’yorni bajara oldi.

Eslatib o‘tamiz, yarimog‘ir vazn toifasidagi ushbu jang AQSHda, Gollivuddagi “The Avalon” arenasida tashkil etiladi. 

Ma’lumot uchun, Bektemirning raqibi, 27 yoshli Rios shu kungacha prof boksda 46 ta jang o‘tkazgan va ularning 23 tasini o‘z foydasiga hal qilgan (13 ta nokaut). 19 ta jangda mag‘lubiyat alamini totib ko‘rgan (4 ta nokaut). Yana 4 ta jangda durangga erishgan. U o‘z mag‘lubiyatlarining birini hamyurtimiz Azizbek Abdug‘ofurovdan qabul qilib olgan.

Bokschimizni qo‘llab-quvvatlab turish uchun Isroil Madrimov va murabbiy To‘lqin Qilichev ham ushbu marosimga tashrif buyurishdi.