Bayden ukrainalik askarlar uchun o‘ta muhim taklifni ko‘rib chiqmoqda

Amerika Qo‘shma Shtatlari Prezidenti Jo Bayden ma’muriyati Ukraina Qurolli kuchlarining jangovar tayyorgarligi ko‘lamini jiddiy ravishda oshirish taklifini ko‘rib chiqmoqda. Bu haqda CNN telekanali xabar berdi.

Qayd etilishicha, Amerikaning Germaniyadagi harbiy bazasida jangovar tayyorgarlikdan o‘tadigan ukrainalik askarlar soni oyiga 2,5 ming nafargacha ko‘payadi.

Shu bilan birga, AQSH rasmiylari nafaqat o‘qiydigan ukrainalik askarlar sonini, balki mashg‘ulotlarga yondashuvni ham ko‘paytirish niyatida. Agar ilgari mashg‘ulotlar kichik guruhlarda va asosan ma’lum qurol tizimlari bilan tanishish uchun o‘tkazilgan bo‘lsa, endi AQSH ukrainalik harbiy xizmatchilarning katta guruhlarini jang maydonida taktika va artilleriyani muvofiqlashtirish bo‘yicha o‘qitadi. 

Telekanal manbasiga ko‘ra, o‘quv dasturi ukrainalik harbiylar Polsha va Buyuk Britaniyada o‘tadigan kurslarga qaraganda juda jadal va keng qamrovli bo‘ladi. Bu taklif Ukraina iltimosiga binoan ilgari surilgan va hozirda turli idoralar tomonidan ko‘rib chiqilmoqda.