Байден украиналик аскарлар учун ўта муҳим таклифни кўриб чиқмоқда

Америка Қўшма Штатлари Президенти Жо Байден маъмурияти Украина Қуролли кучларининг жанговар тайёргарлиги кўламини жиддий равишда ошириш таклифини кўриб чиқмоқда. Бу ҳақда CNN телеканали хабар берди.

Қайд этилишича, Американинг Германиядаги ҳарбий базасида жанговар тайёргарликдан ўтадиган украиналик аскарлар сони ойига 2,5 минг нафаргача кўпаяди.

Шу билан бирга, АҚШ расмийлари нафақат ўқийдиган украиналик аскарлар сонини, балки машғулотларга ёндашувни ҳам кўпайтириш ниятида. Агар илгари машғулотлар кичик гуруҳларда ва асосан маълум қурол тизимлари билан танишиш учун ўтказилган бўлса, энди АҚШ украиналик ҳарбий хизматчиларнинг катта гуруҳларини жанг майдонида тактика ва артиллерияни мувофиқлаштириш бўйича ўқитади. 

Телеканал манбасига кўра, ўқув дастури украиналик ҳарбийлар Польша ва Буюк Британияда ўтадиган курсларга қараганда жуда жадал ва кенг қамровли бўлади. Бу таклиф Украина илтимосига биноан илгари сурилган ва ҳозирда турли идоралар томонидан кўриб чиқилмоқда.