“Bavariya” YeCHLda gol urish bo‘yicha rekord qayd etdi

Myunxenning “Bavariya” klubi UEFA Chempionlar ligasida o‘ziga xos rekord o‘rnatdi.

Gap shundaki Yulian Nagelsmann jamoasi YeCHL guruh bosqichining 4-turida “Benfika”ni 5:2 hisobida mag‘lub etdi va joriy mavsumda turnirning dastlabki to‘rtta o‘yinida 17 ta gol urgan tarixdagi ikkinchi jamoaga aylandi.

Bunga qadar ushbu natijaga 2017 – 2018 yilgi mavsumda PSJ erishgan. O‘shanda parijliklar aynan “nemis mashinasi” bilan bir guruhdan o‘rin olgandi.

Eslatib o‘tamiz, guruh bosqichining barcha o‘yinida g‘alaba qozongan “Bavariya” muddatidan avval Chempionlar ligasining pley-off bosqichiga yo‘llanma oldi.

Ma’lumot uchun, to‘purarlar poygasida myunxeliklar vakili Robert Levandovski peshqadamlik qilmoqda. Ikkinchi o‘rinda 3 uchrashuvda 6 ta gol urgan Sebastyan Alle (“Ayaks”), uchinchi pog‘onada esa Krishtianu Ronaldu va Muhammad Saloh qayd etilgan. Ular 5 martadan raqiblar darvozasini ishg‘ol etishgan.