“Bavariya”, “Barselona” va “Man Siti” ukrainalik futbolchi uchun kurashmoqda
Sport
−
11 mart 2756
Kataloniyaning “Barselona” klubi “Shaxtyor” yarim himoyachisi Georgiy Sudakovga qiziqish bildirmoqda. Bu haqda “Mundo Deportivo” xabar berdi.
Manbaga ko‘ra, futbolchining o‘zi ham ispan grandining qiziqish bildirayotganidan xabardor. Sudakov mavsum tugagandan so‘ng APL yoki La Ligada o‘ynash imkoniyatini ko‘rib chiqadi.
Shuningdek, futbolchi uchun kurashda “Liverpul” yetakchilik qilayotgani ko‘rsatilmoqda. Uning shartnomasidagi bandda tovon puli 150 million yevro qilib ko‘rsatilgan.
Futbolchiga “Manchester Siti” va “Bavariya” ham befarq emasligi aytilmoqda. Donetsk klubi 21 yoshli futbolchi sotuvidan 50 million yevro atrofida foyda ko‘rmoqda. “Barselona” bu summani to‘lay olmaydi.
Ma’lumot uchun, Sudakov 2017 yildan beri “Shaxtyor” tizimida o‘ynab kelmoqda. Bungacha futbolchi uch yil davomida Xarkovning “Metalist” jamoasida to‘p tepgan.
