Bashar Asad va uning rafiqasi koronavirusga chalindi
Olam
−
08 mart 2021 4847
Suriya Prezidenti Bashar Asad va uning turmush o‘rtog‘i Asmaning COVID-19 ga topshirgan testi ijobiy natija ko‘rsatdi. Bu haqda “Interfaks” xabar berdi.
“Prezident va uning rafiqasi COVID-19 bilan kasallanishga o‘xshash yengil alomatlarni sezgani uchun PZR-test topshirdi. Natijalar ular virus yuqtirganini ko‘rsatdi”, deyiladi xabarda.
Ta’kidlanishicha, birinchi juftlikning ahvoli yaxshi va hozirda ular uyda karantinga olingan. Bu 2-3 hafta davom etishi mumkin.
JSST ma’lumotiga ko‘ra, 2020 yil yanvardan 2021 yil martgacha Suriyada 15 981 kishida koronavirus aniqlangan. Ularning 1063 nafari halok bo‘lgan.
Live
Barchasi
