“Barselona” “Real”ning natijasini takrorladi

12 yanvar kuni Ispaniya Superkubogining final uchrashuvida “Real” va “Barselona” klublari to‘qnash keldi. Jamoalar Saudiya Arabistonining Jidda shahridagi neytral “Qirol Abdulla Sports Siti” stadionida o‘ynadi va “Barselona” “Real”ni 5:2 hisobida mag‘lub etib, “qirollik klubi” bilan qarama-qarshilik tarixida o‘ziga xos rekord o‘rnatdi. Bu haqda “Opta Sport” xabar berdi.

Bu “Barselona”ning “El-Klasiko” tarixida birinchi marta ketma-ket ikki o‘yinda to‘rt yoki undan ko‘p gol urishi hisoblanadi. Bungacha “Real”ga qarshi o‘yinda Flik shogirdlari La Liganing 11-turida 4:0 hisobida zafar quchgandi.

Oxirgi marta bir jamoa buni 1963 yilda uddalagan, o‘shanda “Real” “Barselona”ni qatorasiga ikki marta (5:1, 4:0) mag‘lub etgandi.

Ma’lumot uchun, “Real” ustidan qozonilgan g‘alaba orqali “Barselona” o‘z tarixida 15 marta mamlakat superkubogini qo‘lga kiritdi. “Real” esa 13 marta Ispaniya superkubogiga ega chiqqan.