“Barselona”ning muhim futbolchisi “Bavariya” bilan o‘yinni o‘tkazib yuborishi mumkin
Sport
−
22 Oktabr 904
“Barselona”ning 26 yoshli hujumkor yarim himoyachisi Daniel Olmo “Bavariya” bilan 23 oktyabr kuni Ispaniyada bo‘lib o‘tadigan Yevropa Chempionlar ligasi (YeCHL) 3-tur uchrashuvida maydonga tushmasligi mumkin. Bu haqda “Diario Sport” xabar berdi.
Manbaga ko‘ra, Olmoning atrofidagilar jarohati qaytalanishi xavfidan qo‘rqmoqda, shu bois yarim himoyachi Ispaniya chempionatida “Sevilya” bilan 10-tur uchrashuvida maydonga tushmadi va ehtimol u keyingi o‘yinda ham maydonga tushmaydi.
Qayd etish joiz, Olmo oxirgi marta Ispaniya La Ligasining 5-turi doirasidagi “Jirona”ga (4:1) qarshi o‘yinda maydonga tushgan edi. Aynan shu o‘yinda u jarohat oldi.
Ma’lumot uchun, Olmo joriy mavsum kataloniyaliklar safida 3 ta o‘yinda maydonga tushib, 3 ta gol urdi. U shu yil yozda 60 million yevro evaziga “Leypsig”dan “Barselona”ga o‘tgan edi.
Live
Barchasi22 Oktabr
