“Барселона”нинг муҳим футболчиси “Бавария” билан ўйинни ўтказиб юбориши мумкин
Спорт
−
22 Октябрь 913
“Барселона”нинг 26 ёшли ҳужумкор ярим ҳимоячиси Даниэль Ольмо “Бавария” билан 23 октябрь куни Испанияда бўлиб ўтадиган Европа Чемпионлар лигаси (ЕЧЛ) 3-тур учрашувида майдонга тушмаслиги мумкин. Бу ҳақда “Diario Sport” хабар берди.
Манбага кўра, Ольмонинг атрофидагилар жароҳати қайталаниши хавфидан қўрқмоқда, шу боис ярим ҳимоячи Испания чемпионатида “Севилья” билан 10-тур учрашувида майдонга тушмади ва эҳтимол у кейинги ўйинда ҳам майдонга тушмайди.
Қайд этиш жоиз, Ольмо охирги марта Испания Ла Лигасининг 5-тури доирасидаги “Жирона”га (4:1) қарши ўйинда майдонга тушган эди. Айнан шу ўйинда у жароҳат олди.
Маълумот учун, Ольмо жорий мавсум каталонияликлар сафида 3 та ўйинда майдонга тушиб, 3 та гол урди. У шу йил ёзда 60 миллион евро эвазига “Лейпциг”дан “Барселона”га ўтган эди.
Live
Барчаси22 Октябрь
