“Barselona” “Kamp Nou” bilan 2024 yilgacha xayrlashdi (video)
Sport
−
12 iyul 2023 3645
“Barselona” yangi mavsum “Kamp Nou”da o‘ynamaydi. Arenada yirik rekonstruksiya ishlari boshlandi. Bu haqda klub matbuot xizmati xabar berdi.
Qayd etilishicha, stadionning ta’mir ishlari 2026 yilgacha to‘liq yakunlanadi. Rekonstruksiyadan keyin “Kamp Nou” o‘z bag‘riga 105 minggacha tomoshabinni sig‘dira oladi. 2024 yilga kelibgina “Barselona” “Kamp Nou”da uy o‘yinlarini o‘tkazishi mumkin.
Kelgusi mavsumda Kataloniya klubi o‘z uy uchrashuvlarini Montjuikdagi “Olimpiya” stadionida o‘tkazadi. Majmua 50 ming tomoshabinga mo‘ljallangan. “Olimpiya” stadioni 1997 yildan 2009 yilgacha “Espanol” klubining uy arenasi bo‘lgan.
Yangi mavsum La Liganing 1-tur uchrashuvida “Barselona” “Xetafe” bilan bilan to‘qnash keladi. Kataloniyaliklar 1-tur o‘yini 13 avgust kuni o‘tkazadi. 2-turda “ko‘k-anorranglilar” “Kadis”ga qarshi ilk uy uchrashuvini o‘tkazadi.
