“Барселона” “Камп Ноу” билан 2024 йилгача хайрлашди (видео)
Спорт
−
12 Июль 2023 3642
“Барселона” янги мавсум “Камп Ноу”да ўйнамайди. Аренада йирик реконструкция ишлари бошланди. Бу ҳақда клуб матбуот хизмати хабар берди.
Қайд этилишича, стадионнинг таъмир ишлари 2026 йилгача тўлиқ якунланади. Реконструкциядан кейин “Камп Ноу” ўз бағрига 105 минггача томошабинни сиғдира олади. 2024 йилга келибгина “Барселона” “Камп Ноу”да уй ўйинларини ўтказиши мумкин.
Келгуси мавсумда Каталония клуби ўз уй учрашувларини Монтжуикдаги “Олимпия” стадионида ўтказади. Мажмуа 50 минг томошабинга мўлжалланган. “Олимпия” стадиони 1997 йилдан 2009 йилгача “Эспаньол” клубининг уй аренаси бўлган.
Янги мавсум Ла Лиганинг 1-тур учрашувида “Барселона” “Хетафе” билан билан тўқнаш келади. Каталонияликлар 1-тур ўйини 13 август куни ўтказади. 2-турда “кўк-анорранглилар” “Кадис”га қарши илк уй учрашувини ўтказади.
