“Barselona” Ispaniya Superkubogi finaliga chiqdi
Sport
−
09 yanvar 1517
Ispaniya Superkubogining dastlabki yarim final o‘yinida “Barselona” ishonchli hisobda g‘alaba qozondi.
9 yanvarga o‘tar kechasi Saudiya Arabistonining Jidda shahrida Ispaniya Superkubogi yarim finalining ilk o‘yinida “Barselona” va “Atletik Bilbao” maydonga tushdi va kataloniyaliklar 2:0 hisobida g‘alaba qozondi. Uchrashuvning 17-daqiqasida Baldening pasidan so‘ng Gavi to‘pni darvozaga joylab qo‘ydi. Ikkinchi taymning boshida, aniqrog‘i, 53-daqiqada Gavining ajoyib uzatmasidan keyin Lamin Yamal hisobni 2:0 ko‘rinishiga keltirdi. Shu tariqa, “ko‘k-anorranglilar” finalga yo‘l oldi.
Ma’lumot o‘rnida, 10 yanvarga o‘tar kechasi Ispaniya Superkubogi ikkinchi yarim final o‘yini bo‘lib o‘tadi va unda “Real Madrid” va “Malorka” final yo‘llanmasi uchun kurash olib boradi. Final uchrashuvi 14 yanvarga o‘tar kechasi o‘tkaziladi.
