“Barselona” g‘alabaga haqli o‘yin namoyish etdi – Anchelotti
Sport
−
13 yanvar 1798
Madridning “Real” klubi bosh murabbiyi Karlo Anchelotti “Barselona”ga qarshi o‘yindan keyingi fikrlari bilan o‘rtoqlashdi.
“Haqiqatga tik boqishimiz kerak, biz himoyada juda yomon o‘ynadik. Raqib esa osonlikcha gol urdi. Jamoa bo‘lib birlasha olmadik, bu esa natijaga salbiy ta’sir qildi. Hech kimni ajratib ko‘rsatishni xohlamayman. Biz umumiy o‘yinda imkoniyatni boy berdik. Bir kishi ko‘p bo‘lib ham tayinli vaziyatlar yarata olmadik. “Barselona” g‘alaba qozonishga haqli edi. Jamoa har tarafdan bizdan ustun edi”, deydi Anchelotti.
Ma’lumot o‘rnida, 13 yanvarga o‘tar kechasi “Barselona” Ispaniya Superkubogi finalida “Real”ni 5:2 hisobida mag‘lub etib, sovringa ega chiqdi. “Ko‘k-anorranglilar” mazkur kubokni 15-marta qo‘lga kiritdi.
Eslatib o‘tamiz, avvalroq uchrashuvdan keyin kataloniyaliklar ustozi Flik ham o‘yin haqida o‘z fikrlarini bildirib o‘tgan edi.
Live
BarchasiSamarqand shahrida metro quriladi.
14 yanvar
Dollar kursi pastladi.
14 yanvar
