“Barselona”ga vaqtinchalik murabbiy tayinlandi
Sport
−
28 Oktabr 2021 5457
Bugun, 28 oktyabr kuni “Barselona” prezidenti Joan Laporta “Barsa B”ning amaldagi murabbiyi Serji Barxuanni jamoaning vaqtinchalik murabbiyi bo‘lishini e’lon qildi. U iste’foga chiqarilgan Ronald Kuman o‘rniga yangi bosh murabbiy tayinlangunicha asosiy jamoani boshqaradi.
Shuningdek, Laporta bugunning o‘zida “Ciutat Esportiva” matbuot markazida rasmiy mashg‘ulot oldidan Serji Barxuanning tanishtiruv marosimi o‘tkazilishini ta’kidlagan.
Ma’lumot uchun, Barxuan ertaga, 29 oktyabr kuni klub prezidenti bilan birgalikda “Ciutat Esportiva”da “Alaves”ga qarshi o‘yinni muhokama qilish uchun OAV vakillari bilan uchrashadi.
Kataloniya klubining yangi bosh murabbiyi futbolchilik faoliyati davomida 10 yil “Barselona”da o‘ynagan. Shu vaqt mobaynida Ispaniya La ligasining 267 uchrashuvida maydonga tushib, 6 bor gol urgan va 3 marta mamlakat chempionligini qo‘lga kiritgan.
Live
Barchasi07 noyabr 2023
07 noyabr 2023
07 noyabr 2023
