“Barselona” Arauxoni o‘z safida saqlab qolmoqchi

Avvalroq, Italiyaning “Yuventus” klubi “Barselona” himoyachisi Ronald Arauxo uchun 50 million yevro to‘lamoqchi ekanligi xabar qilingandi. 

“Barselona” sport direktori Deku jamoa himoyachisi Ronald Arauxonni qishki transfer oynasida jamoani tark etmaslikka chaqirmoqda. Futbolchiga 2026 yilda tugaydigan shartnomasini uzaytirish taklif qilingan. Bu haqda “Mundo Deportivo” xabar berdi.

Arauxo “ko‘k-anorranglilar”ning shartnomani uzaytirish bo‘yicha bir nechta takliflarini rad etdi. Joriy mavsumda Arauxo Ispaniya kubogi doirasidagi bitta o‘yinda maydonga tushib, o‘yinda golli uzatmani amalga oshirdi. “Transfermarkt” internet portaliga ko‘ra, futbolchining taxminiy bahosi 55 million yevroni tashkil qiladi.

Ma’lumot uchun, 25 yoshli futbolchi faoliyati davomida Urugvayning “Boston River” va “Rentistas” klublarida to‘p tepgan. U 2018 yilda “Barselona” tizimiga kelib qo‘shilgan.