Bag‘dod markaziga qo‘lbola raketa quladi
Olam
−
04 may 2022 4508
Iroq poytaxti Bag‘dodning “yashil hududi”ga qaratilgan qo‘lbola raketa shaharning markaziy qismiga qulab tushdi. Bu haqda “Shafaq news” axborot portali xabar bergan.
Ta’kidlanishicha, raketa “yashil hudud” tomon otilgan va nishonga yetmay Bag‘dod shahri markazidagi Abu Nuvas ko‘chasidagi turar-joy binosiga qulagan. Dastlabki ma’lumotlarga ko‘ra, hodisa oqibatida qurbonlar yo‘q.
Portal ma’lumotlariga ko‘ra, Bag‘dod xavfsizlik xizmati xodimlari shahar shimoli-sharqidagi politsiya bo‘limi yaqinida “yashil hudud”ni o‘qqa tutishga uringan raketani topgan. Bundan tashqari, keyinroq Iroq xavfsizlik xizmati xodimlari raketa uchirilishiga aloqadorlikda gumon qilingan shaxsni qo‘lga olgan.
Ma’lumot o‘rnida, Bag‘dodning “yashil hudud”i asosiy hukumat binolari va xorijiy diplomatik missiyalar joylashgan hududdir.
Live
Barchasi07 noyabr 2023
07 noyabr 2023
07 noyabr 2023
