Azmun sobiq klubiga qaytishi mumkin
Sport
−
02 avgust 2023 2347
Sankt-Peterburgning “Zenit” klubi 28 yoshli eronlik hujumchi Serdar Azmunni o‘z safiga qo‘shib olmoqchi. Rus klubi bu borada Germaniyaning “Bayer” klubiga taklif bilan chiqdi. Bu haqda futbol jurnalisti Fabritsio Romano o‘z Twitter sahifasida ma’lum qildi.
Manbaga ko‘ra, forvardga boshqa jamoalar ham qiziqish bildirmoqda,biroq Azmun “Zenit”da o‘ynash taklifiga befarq bo‘la olmaydi, chunki, Serdar Azmun 2019 yildan 2022 yilgacha Sankt-Peterburg klubi safida to‘p surgan.
Hujumchi “Zenit”da 104 o‘yinda 62 gol urgan va 17 golli uzatmani amalga oshirgan, shuningdek, 2019-20 yilgi mavsum u Rossiyaning eng yaxshi to‘purari unvonini qo‘lga kiritdi va RFU talqiniga ko‘ra, mavsumning ham eng yaxshi futbolchisiga aylangan.
Azmun o‘tgan mavsumda Bundesliganing 23 o‘yinida 4 ta gol urdi va bitta golli uzatmani amalga oshirdi.
Live
Barchasi
