Ash-Shara Yevropaga boradi
Olam
−
06 may 5022 1 daqiqa
Suriyaning o‘tish davri prezidenti Ahmad ash-Shara ertaga, 7 may kuni Fransiyaga rasmiy tashrif buyuradi. Bu haqda Suriya televidiniyesi xabar berdi.
Ma’lum qilinishicha, ushbu qadam Ahmad ash-Sharaning Yevropaga birinchi tashrifi bo‘ladi.
Bildirilishicha, Parijda u Fransiya Prezidenti Emmanuel Makron bilan muzokaralar o‘tkazadi.
Manbaga ko‘ra, Makron Fransiya yangi, erkin, barqaror, suveren Suriyani qurishni qo‘llab-quvvatlashini bir necha bor tasdiqlab kelgan.
Uchrashuv va tashrifning boshqa ma’lumotlari hali taqdim etilmagan.
Eslatib o‘tamiz, joriy yilning fevral oyi boshida Fransiya yetakchisi Ahmad ash-Shara bilan telefon orqali muloqot qilganida Suriya rahbarini Fransiyaga taklif qilgan edi. Suhbatda Makron ash-Sharani prezidentlik lavozimiga kirishgani bilan tabriklab, Suriyaning o‘tish davrida to‘liq qo‘llab-quvvatlashini bildirgan.
Live
Barchasi
