Armaniston Parlamenti favqulodda yig‘ilishga chaqirildi. Masala saylov

Armaniston parlamenti – Milliy majlisda ko‘pchilik o‘ringa ega “Mening qadamim” fraksiyasi Armaniston Milliy yig‘ilishining (parlament) navbatdan tashqari sessiyasini e’lon qildi. Bu haqda qonun chiqaruvchi organning rasmiy saytidagi xabarda aytilgan.  

Manbaga ko‘ra, u ertaga, 2 aprel kuni soat 11:00 da bo‘lib o‘tadi. 

Mahalliy ommaviy axborot vositalarining xabar berishicha, yig‘ilish kun tartibiga "Armaniston Respublikasi Saylov kodeksi to‘g‘risidagi konstitutsiyaviy qonunga o‘zgartish va qo‘shimchalar kiritish to‘g‘risida"gi qonun loyihasi kiritilgan. 

Favqulodda yig‘ilishni o‘tkazish masalasi ertaga, 2 aprel kuni soat 9:30 ga belgilangan Parlament Kengashining majlisida muhokama qilinadi. 

Ta’kidlanganidek, uchrashuv muxolifatdagi deputatlar qarshilik ko‘rsatgan taqdirda ham bo‘lib o‘tishi mumkin, chunki kengashning aksariyati hukmron fraksiya a’zolari tomonidan tuzilgan. 

Avvalroq, Armaniston Prezidenti Armen Sarkisyan mamlakat ko‘pvektorli inqiroz holatida ekanligini ma’lum qilgandi.  

Ma’lumot uchun, Armanistondagi siyosiy inqiroz mamlakat Tog‘li Qorabog‘dagi harbiy mojarolarda Ozarbayjondan yengilganidan beri davom etyapti. Inqiroz fevral oyi oxirida Armaniston Qurolli Kuchlari Bosh shtabi Pashinyanning iste’fosini talab qilgach, keskinlashdi. Yerevanda har kuni Bosh vazirning tarafdorlari va unga qarshilarning namoyishlari o‘tkazilyapti. 

Armaniston Bosh vaziri Nikol Pashinyan esa joriy yilning aprel oyida iste’foga chiqishini e’lon qilgan.