APL: “Chelsi” va “Liverpul” yirik hisobda g‘alaba qozondi

Kecha, 14 avgust kuni Angliya premer ligasining 1-turidan o‘rin olgan 7 ta uchrashuv bo‘lib o‘tdi. 

“Liverpul” mehmonda “Norvich”ni 3:0 hisobida mag‘lub etdi.

Uchrashuvning 26-daqiqasida “Liverpul” hujumchilari qarshi hujumga qochdi. Trent Aleksandr Arnold jarima maydonchasi tomon kuchli uzatma berdi, Muhammad Saloh bir teginish bilan “Norvich”ning ikki himoyachisini zararsizlantirdi va Diogo Jotani zarba holatiga olib chiqdi. Jota esa hisobni ochdi – 1:0.

65-daqiqada Jotaning o‘rniga Roberto Firmino maydonga tushdi. U Salohning navbatdagi golli uzatmasidan so‘ng, oradagi farqni ikkita golga oshirdi. 79-daqiqada Salahning o‘zi Tim Krul darvozasiga uchinchi golni urdi va Uchrashuvdagi yakuniy hisobni o‘rnatdi – 3:0.

Shuningdek, “Chelsi” o‘z maydonida “Kristal Pelas”ni ishonchli tarzda mag‘lub etdi.

Uchrashuvning 27-daqiqasida bosh hakam mehmonlar jarima maydonchasi yaqinida qoidabuzarlik qayd etdi. Ispaniyalik Markos Alonso to‘pga yaqinlashdi va darvozaning yuqori to‘qqizligini aniq nishonga oldi – 1:0. Birinchi bo‘lim oxirida Kristian Pulishich o‘rtadagi ustunlikni oshirdi va jamoalar tanaffusga yo‘l oldi.

Uchrashuvning ikkinchi yarmida “Chelsi” o‘yinni nazorat qilishni davom ettirdi va 58-daqiqada yangi harid qilingan Trevo Chaloba “Kristal Pelas” darvozasiga uzoq masofadan kuchli zarba berib, debyut o‘yinidayoq, o‘z hisobiga gol yozdirib qo‘ydi.

Shuningdek, APL 1-turida “Byornli” - “Brayton” (1:2), “Everton” - “Sautgempton” (3:1), “Lester” - “Vulverxempton” (1:0), “Uotford” - “Aston Villa” (3:2) uchrashuvlari o‘tkazildi. 

Ma’lumot uchun, bugun, 15 avgust kuni turning markaziy uchrashuvi Londonda “Tottenxem” va “Manchester Siti” jamoalari o‘rtasida bo‘lib o‘tadi.