Angliya chempionatining eng yosh klubi e’lon qilindi

Sport

−

21 iyul 2023 visibility4972 timer1 daqiqa

Londonning “Chelsi” klubi Angliya Premer-ligasidagi eng yosh jamoalar reytingida 1-o‘rinni egallagan. Bu haqda “Transfermarkt” xabar berdi.

Manbaga ko‘ra, hozir klubda 30 nafar futbolchi bor, ularning o‘rtacha yoshi – 23,8. Ushbu reytingda 2-o‘rinni “Brayton” jamoasi egalladi. Jamoa tarkibi o‘rtacha 24,5 yoshni tashkil etgan. Bu borada 24,8 yoshli ko‘rsatkich bilan “Byornli” 3-o‘rinda turibdi.

Qayd etish joizki, hozirda “Chelsi”ni argentinalik mutaxassis Maurisio Pochettino boshqarmoqda. 20 iyul kuni Pochettino qo‘l ostidagi jamoa dastlabki o‘yinini o‘tkazdi. AQSHning “Reksem” klubiga qarshi o‘yinda londonliklar raqiblaridan 5:0 hisobida ustun keldi.

“Chelsi” mavsumoldi navbatdagi o‘yinini 23 iyul kuni “Brayton”ga qarshi o‘tkazadi. O‘yin AQSHda bo‘lib o‘tishi belgilangan.

Maqola muallifi